Ако до понеделник нема плата, здравството оди на протест!
Револтот на здравствените работници кулминира поради неисплатените плати.
Имено, доколку до понеделник до 15 часот нема пари на сметките на вработените во Клиничките центри и болници, во среда докторите, сестрите, болничарите и останатиот медицински кадар ќе излезат на протест, јавува Сител телевизија.
Од таму велат дека протестот ќе се одржи без разлика и ако во вторник им се пушти плата.
„Ние како што рековме, ќе почитуваме како што вети директорката на Фондот и до понеделник до крајот на работното време ќе чекаме да биде исплатена платата. Доколку платата не биде исплатена, ние во вторник ќе го свикаме ИО и Советот на Синдикатот и најверојатно во среда ќе договориме протест, независно дали во вторник ќе префрлат плата протестот во среда ќе се одржи“, изјави за Сител д-р Горан Беговиќ, претседател на Самостојниот синдикат на вработените во Клиничките центри.
