АХВ: Итно се повлекува млеко поради несоодветен квалитет, потрошувачите да не го пијат и да го вратат во маркет
Агенцијата за храна и ветеринарство ги информира потрошувачите дека се отповикува следниот производ – УХТ млеко МИЗО 2,8% мм поради несоодветен квалитет и измама на потрошувачите ( не е загрозена безбедноста на производот), односно поради утврдено присуство на растителни масти.
Се повлекува млекото со рок на употреба до 20 јуни 2023 година, со потекло од Млекара Лесковац, Република Србија, а го увезува и дистрибуира Бадев ДООЕЛ Кавадарци, соопштија од АХВ.
„Крајните потрошувачи кои гo имаат купено горенаведениoт производ со посочениот рок на употреба, истиот да нe гo консумираат и да гo вратат на местото од каде гo купиле“, велат оттаму.
