Ахмети за опозицијата: Ако се патриоти – треба да поддржат промена на Уставот
Претседателот на ДУИ, Али Ахмети денеска во годишното обраќање истакна дека доколку опозицијата се патриоти, тие ќе поддржат промена на Уставот.
Според него, нашата иднина е Европа и балканските земји треба да чекорат заедно, рамо до рамо, се до реализација на програмата за влез во Унијата.
„Нашата иднина е Европа, ние сме европејци и нема како да се двоуми Европа за членство на нашата земја, Албанија, Косово и Црна Гора, се до исполнување на стандардите и на Србија со прифаќање на најновата држава во Балканот, Косово. Сите сме европејци. Затоа апелирам, исто како што сум рекол и пред десет години, затоа што Украина не е далеку, и велам не на Русија – да на Европа, и да чекориме сите заедно, рамо до рамо, се до реализација на оваа програма. Благодарение на овој ангажман ние ја земавме одговорноста за наоѓање на решение и на спорот со Бугарија и се направи Договорот за добрососедство“, истакна Ахмети.
Ахмети вели дека опозицијата прави дневни политики, и не им е на прв план членството на земјава во Европската Унија.
„Сум им рекол и на нив во нашите средби, а уште еднаш и јавно го кажувам ова: ако се патриоти, тогаш треба да подржат промена на Уставот и Бугарите да бидат уставна категорија, затоа што на овој начин македонскиот народ ќе биде легитимиран на меѓународно ниво. А ние Албанците не сме против нив, туку нас не имаат како поддршка, да не ја изгубат поддршката на нивните сограѓани кои никогаш не го оспориле ниту идентитетот ниту јазикот, туку секогаш дале поддршка. Нашата шанса е членството во ЕУ, и ние не можеме да направиме поголема услуга на нашиот народ од членството во ЕУ“, додаде Ахмети.
