Ахмети го советуваше Курти да не паѓа во стапиците на неговите непријатели
„Она што Косово го направи на 18 март во Охрид беше големо историско достигнување и на крајот Косово ги отвори патиштата за членство во меѓународните институции, од Европската Унија, НАТО, до Обединетите нации“.
Вака лидерот на ДУИ, Али Ахмети го започна својот говор на митингот во Чаир.
Тој му порача многу среќа на косовскиот премиер Албин Курти во спроведувањето на, како што рече, договорот со Србија.
Сепак, го советуваше да не паѓа во стапиците на своите непријатели.
„Денес Албин Курти е лидерот на Косово кој треба да го турка овој Договор напред. На крајот Косово имаше легитимитетот на независноста, но сега го легитимираше и суверенитетот што беше оспорен. Конечно, Косово има законитост и легитимитет и е суверена држава. Албин Курти треба да има добра работа заедно со институциите и без да паѓа во заседи и замки што можат да му ги постават неговите противници, што можат да му ги постават непријателите на Косово“, рече Ахмети.
