Агенција за странски инвестиции: Tesup одлучи да инвестира во Македонија
Агенцијата за странски инвестиции објави дека британскиот производител Tesup, најпознат по светот по производство на мали ветерни турбини и соларни панели за домаќинства, одлучил да инвестира во Македонија.
„Задоволство ни е да објавиме дека Tesup, најголемиот светски производител на ветерни турбини и соларни панели флексибилни за апарати за домаќинство, одлучи да инвестира во Северна Македонија и да ја изгради својата прва фабрика во нашата земја.
Tesup работи во 30 земји низ светот, вклучувајќи ги Соединетите Американски Држави, Обединетото Кралство, Германија, Франција итн.
Оваа инвестиција претставува одлична можност за Северна Македонија и за Тесуп, и ние сме среќни што нашата агенција успеа да помогне во овој проект. Се надеваме дека ова ќе помогне во растот на нашата економија и ќе донесе зголемена трговија и вработување во Северна Македонија.
Посветени сме на создавање поволна деловна средина за сите странски инвеститори и помагање во развојот на нашата економија со цел да се создаде посилна и постабилна држава“, објави Агенцијата.
