Џафери вели дека и неговиот син има право да работи
Претседателот на Собранието, Талат Џафери денеска на брифинг со новинарите порача дека и неговиот син има право да работи.
Тој вели дека и неговиот син како и сите други граѓани ги ужива сите права и има право да конкурира и да биде примен на работа.
Оваа изјава следува по лавината реакции во јавноста дека неговиот син Барлет станува обвинител и се најде на листата на оние кои ја завршиле Академијата за судии и јавни обвинители.
Инаку, синот на Џафери уште минатата година се најде во центарот на вниманието откако се здобил со право да полага правосуден испит иако уште не дипломирал. За ова ДКСК отвори и предмет.
„Јас сум свесен како претседател на Собранието како носител на јавна функција, сензацијата е поголема кога се работи за член на семејството на носител на висока функција. Антикорупциска имала постапка. Запрена е таа постапка, не можело да се утврди злоупотреба од страна на мојот син. Како и секој граѓанин во оваа држава и моите деца си ги уживаат истите права и можности о ова општество“, порача Џафери.
