Ја спаси од урнатините и си ја зема дома – убава приказна за мачката која не се одвои од својот спасител
Се сеќавате на мачката која не се одвојуваше од својот спасител?
Сега веќе нема да мора да се грижи, затоа што истиот спасител ја посвои.
Имено, се работи за пожарникарот Али Чакас од Мардин кој внимателно се грижи за мачката која ја извлекол од урнатините за време на операцијата за пребарување и спасување во Газиантеп.
Чакаш рече дека биле соочени со катастрофата на векот и биле испратени во регионот во првиот час од земјотресот.
„Како тим имавме многу емотивни моменти, спасивме 5 луѓе. Ова ни даде голема среќа и морал. Се трудевме да најдеме уште живи. Покрај тоа, извадивме 3 брановидни папагали со нивните Кафези.Исто така, спасивме 2 мачки од под урнатините“, вели Чакас кој додава дека мачката што ја посвоил го носи името Раш.
Тој оваа мачка не сакал да ја остави таму по завршување на работата, а бидејќи создале добра „врска“ тој сепак си ја земал дома.
За неа вели дека е паметна, убава и послушна.
„Не се разделивме. Јас се грижам за неа во мојата куќа. Спиеме со неа. Таа никогаш не ми паднала од скутот од денот кога пристигна. Брзо се врзавме. Ние и двајцата поминавме низ тежок период. Ќе ја пребродиме оваа траума така што ќе се гушкаме. Таа е тажна од денот кога пристигна. Животните исто така имаат чувства. Во оваа смисла, се обидувам да направам се што можам. Ме поддржаа и мајка ми, татко ми, браќата и сестрите. Тие ја гледаа мачката како член на семејството“, вели тој.
