Џабе и Кампацо и плус 20: Партизан со фантастичен пресврт ја доби Ц. Звезда во АБА!
Сѐ делуваше дека Ц. Звезда ќе му одржи лекција на Партизан, откако регионалниот првак тргна моќно предводен од Кампацо, па по една четвртина имаа веќе двоцифрена предност (24-13), па дојдоа во еден момент и до плус 20 (44-24), за на пауза да отидат со плус 14, ама и тоа им беше малку.
Во вториот дел, Ц. Звезда како неколку меча наназад во Европлигата тотално се распадна, па во третиот периоц црно-белите ја стопија предноста до минус три (66-63), а потоа на стартот од вториот дел буквално го прегазија ривалот. Направија 11-0 до средина од последната четвртина, Ц. Звезда првпат погоди кош после пет минути игра, па црвено-белите немаа сила за да се вратат.
Матијас Лесор даде 27 поени, а изведе 21 слободно фрлање, безмалку колку цел тим на Ц. Звезда (26), Лидеј додаде 17, а Егзум погоди 15 поени кај Партизан. Кампацо не даде поен во вториот дел остана на 21 поен, а Митровиќ погоди 17 кај црвено-белите.
