АА ги повика сите Албанци на масовен протест во Скопје за правда и достоинство за Ослободителната војска на Косово
Алијансата за Албанците информира дека го поддржува протестот организиран во одбрана на вредностите на косовската ослободителна војна и водачите на Ослободителната војска на Косово, кои продолжуваат да бидат неправедно притворени во Хаг.
„Во овој важен момент за националното достоинство, ги повикуваме сите Албанци, без оглед на политичките убедувања, масовно да се приклучат на протестот што ќе се одржи на 13 декември, на плоштадот Скендербег во Скопјe. Нашиот заеднички глас мора јасно да се чуе во одбрана на правдата и вистината за ослободителната војна, најчистата и најправедната војна што ја водеше албанскиот народ за слобода.
Секој обид да се оцрни ова славно поглавје од нашата историја е напад врз вредностите, жртвата и придонесот на цела генерација што се бореше за слободата на Косово.
Сите заедно за правда и национално достоинство“, велат од АА.
