Ајнтрахт се измачи со Дармштад, ама обезбеди четвртфинале во Купот на Германија

Иако после само шест минути Рендал Коло Муани донесе предност за Ајнтрахт, неочекувано се случи прв пресврт на мечот, па Дармштад за две минути направи комплетен пресврт со головите на Матијас Хонсак во 29-та и 31-та минута.

Боре минута пред полувремето израмни, а потоа Камада во 62-та на асистенција на Коло Муани донесе втор пресврт на мечот и втора предност за Ајнтрахт, а францускиот репрезентативец во 90-та минута даде и втор гол за да стави печат на победата и на пласманот на бундеслигашот.

Фрајбург денеска со 2-0 го победи Сандхаузен за исто така да се пласира во четвртфиналето, каде од минатата недела пласман веќе обебзедија Штутгарт, Унион Берлин, РБ Лајпциг и Баерн Минхен.