ЈА ИЗГУБИ ФОТЕЛЈАТА: Албански градоначалник поднесе оставка поради секс снимка направена во кабинетот

Градоначалникот на градoт Кукс, Сафет Ѓици, поднесе оставка од функцијата, по објавувањето на видео на кое се појавува во интимни моменти со девојка во неговиот кабинет во Општината. Тој призна дека извесен период бил во врска со девојката која се појавува во видеото.

Ѓици наведува дека станал плен на стапица, која, како што вели била детално подготвена.

„Најдлабоко извинување до јавноста до секој што го виде тоа грдо видео денес. По тешка кампања и соочување со моите противници, по што излегов како победник, за жал станав плен на стапицата која детално ја подготвија истите луѓе со кои се соочив на изборите. Овде успеаја во друга валкана форма да го направат тоа што можеа да го направат со гласот на жителите на Кукс“, изјави Ѓици.

Ѓици е избран за градоначалник на локалните избори што се одржаа на 14 април. Тој е кандидат на владејачката Социјалистичка партија.