90 часа под урнатините: Спасени бебе старо 10 дена и неговата мајка
Иако времето на луѓето затрупани во земјотресите во Турција истекува, сепак има причини за радост и восхит. Бебе старо 10 дена и неговата мајка се извлечени неповредени од урната зграда во Хатај. Видеото објавено од спасувачите од Истанбул го покажува трогателниот момент.
Бебето и неговата мајка поминале 90 часа заробени. Малиот Јагиз Улас имал само 10 дена кога Турција ја погоди земјотресот од 7,8 степени.
На снимката се гледа како спасувачите полека и внимателно го извлекуваат бебето од шуплината во остатоците. Истиот бил темелно прегледан од болничарите во возило на брза помош и било утврдено дека е целосно неповредено.
Неговото спасување од урнатините го подигна духот на спасувачите во Хатај – се уште има надеж да се најдат преживеани.
Хуманитарната криза на терен се продлабочува. Преживеаните се изложени на температури под нулата, глад и очај додека спасувачките тимови продолжуваат неуморно да работат во потрага по повеќе преживеани.
