81 година од депортацијата на македонските Евреи

Холокаустот е најужасната трагедија во еврејската историја, нападот на Хамас е најужасниот ден за Израел-сеќавање на депортацијата. 81 година од депортацијата на македонските Евреи во логорот „Треблинка“. Сведоштва од семејства чии членови ги зафатил пеколот …
Алегра и Нико Пардо се дел од шестмината кои се спасиле од ужасите на Треблинка. Побегнале уште пред да бидат донесени во скопскиот монопол. Но таа среќа ја немале нивните роднини кои на 11 март 1943-та биле депортирани во логорот на смртта, од каде никогаш не се вратиле. 81 година подоцна, нивните внуки Лиат и Ирис Пардо од Израел, првпат доаѓаат во Македонија. Со солзи во очите ни раскажаа за траумата на нивното семејство. Ужасите од холокаустот велат, ги оживува војната во Израел.

„Нашите две фамилии беа однесени во Треблинка. Сите умреа. Мојата баба, нејзините четири браќа, братучедите и моите прадедовци“, изјави Лиад Пардо.

„Пред 81 година го замолчеа светот, а сега сакаат повторно да не замолчат, сега е исто сè уште се случува истото, жени и мажи се силувани, 100-тина киднапирани маршираме за холокаустот, но сликата е иста, омразата за Евреите е иста, антисемитизмот е низ цела Европа и ова мора да се промени“, изјави Ирис Пардо.

Во Треблинка е убиена и целата фамилија на Здравко Шами. Единствено жив останува неговиот татко, кој успеал да избега од затворот на нацистите.

Претседателот на Еврејската заедница Пепо Леви со критика, светот според него не е успеа да ја научи лекцијата од холокаустот.

Земјава се придржува на гласното – „не“ на демократскиот свет против какви било облици на нетолеранција, антисемитизам и фашизам, порача премиерот Џафери според кој Македонија секогаш била и останува на вистинската страна на историјата. За амбасадорка Франкел Израел денеска минува низ најмрачните денови во поновата историја.

МРТ