65 лица само вчера фатени како возат без возачки дозволи

Министерството за внатрешни работи продолжува со засилените сообраќајни контроли низ патиштата во земјава, а напоредно со тоа течат секојдневни превентивни активности од страна на полициските службеници од сите сектори за внатрешни работи, со цел граѓаните да се потсетат за важноста од доследно почитување на сообраќајните правила и прописи.

Вчера (26.02.2025), во рамки на активностите на полициските службеници на ниво на целата држава беа издадени 732 платни налози. Од нив 214 се однесуваат на непрописно паркирање, а 194 за непочитување на пропишаната брзина на движење.

Покрај ова, а по однос на прекршоците по основ на неносење сигурносен појас и говорење на мобилен телефон при возење, евидентирани беа 57, односно 25 прекршоци. Полициските службеници исто така детектираа 65 лица што учествувале во сообраќајот без возачки дозволи, во три случаи откриени се возачи кои управувале возило под дејство на алкохол, а санкционурани се и 15 пешаци кои не ги почитувале прописите. Откриени се и 21 нерегистрирано возило во сообраќајот, а четири возила се исклучени од сообраќај поради техничка неисправност, следствено одредбите од Законот за возила.