57 годишен маж со пукната аорта почина чекајќи операција во Скопје – „Неводно немале сала“
57-годишен маж по име Тони Ангелковски пред два дена починал на Клиниката за кардиохирургија, откако не му била направена операција за пукната аорта.
Сопругата Горица во изјава за Слободен печат вели дека на државна Кардиохирургија ѝ кажале дека не можат да му направат операција на нејзиниот сопруг, затоа што немале услови, операциона сала и апарати.
„Ова е најголем срам. Ни од министер не се плашам веќе. Моите деца останаа така. Нека се појави некој, нека се јави и нека дојде да разговара со мене. Не се плашам, премногу ме боли заради децата. Немаат апарати и салата не им работи, нели е малку срамно? Нека излезе министер и нека ми каже кој човек со обична плата, дали има да нема во државата да ми кажат дека немаат услови за да го оперираат нели е малку срамно?“, прашува таа.
