48 лица загинаа во поплавите во Кенија, спасувачите трагаат по телата на жртвите
Најмалку 48 лица загинаа, а уште 84 се водат како исчезнати по лизгање на земјиштето и поројни поплави во градот Маи Махиа во централна Кенија, соопшти денеска кенискиот Црвен крст.
Спасувачките екипи копаат низ калта со лопати за да ги извлечат телата на жртвите, објави Ројтерс.
Вкупно 169 луѓе загинаа низ Кенија од минатиот месец поради обилните дождови и поплавите.
Повеќе од 190.000 луѓе беа принудени да ги напуштат своите домови, вклучително и 147.000 во главниот град Најроби, соопшти кабинетот на претседателот.
Повеќе делови од земјата треба да очекуваат пообилни врнежи во наредните денови, соопшти Управата.
Десетици луѓе загинаа, а стотици илјади се раселени поради силните дождови и во Танзанија и во Бурунди.
