46 гласаа „ЗА“, а 54 „ПРОТИВ“ – Собранието го отфрли предлогот за продолжување на рокот на важење на „старите“ пасоши

Од вкупно 100 пратеници, „за“ гласаа 46 пратеници, додека 54 гласаа „против“ предлогот на пратениците од опозициската ВМРО-ДПМНЕ да се продолжи важноста на пасошите со старото име до 31 декември 2024 година.

„Достојно е пратениците од целиот народ да гласаме за овој закон и да го продолжиме рокот на пасошите до 31 декември, со цел хаосот што го предизвика Оливер Спасовски да го менаџира новиот министер за внатрешни работи“, рече Милошоски.

Предлогот на ВМРО-ДПМНЕ за продолжување на рокот за важење на пасошите со старото уставно име беше доставен истиот ден кога пратениците го одобрија продолжувањето на рокот за возачките дозволи, но истиот тогаш не се најде на дневен ред. На 12 февруари истече рокот на важење на пасошите со старото име, но повеќе од 600 илјади граѓаните сè уште немаат нов, а тешко може и да закажат термин за фотографирање.