33 пратеници и вечерва расправаат за разрешувањето на Меџити
Собранието и вечерва во рамки на 143. седница се уште расправа за разрешувањето на министерот за здравство Фатмир Меџити.
На седницата се присутни само 33 пратеници, а најголем дел се од ВМРО-ДПМНЕ кои ги обвинија пратениците од СДСМ дека со поддршката и помагаат на ДУИ да остане уште некој ден на власт.
Инаку, техничкиот премиер Талат Џафери предложи разрешување на министрите за здравство и за информатичко општество Азир Алиу, откако тие го поддржаа лидерот на АА, кој рече дека ја поддржува албанската опозиција и дека со нив ќе оди на избори.
