20-годишниот херој од Кочани Ице Андонов ќе биде запамтен како спасител – неговата последна желба ќе биде исполнета постхумно
Ице Андонов – незаборавен херој кој бил вработен во диското во Кочани и во своите обиди да ја скрши заглавената споредна врата и влегувајќи и излегувајќи неколку пати за да спаси други животи го загубил својот.
Тој имаше 20 години и неисполнета желба која неговите верни другари и другарки ќе ја исполнат постхумно – да ја одведат неговата кола на саем за коли.
„Нека почива во мир, ова лето имаме саем во Битола. До другарите, повелете со неговата кола ќе се снајдиме за трошоците“, стои во објавата на Бабам Битола.
