15-годишно девојче повредено во пожарот во Кочани по лекување во Бугарија се враќа во земјава
Од болницата Пирогов во Бугарија за „БТВ“, потврдија дека отпуштено е девојче повредено во пожарот во Кочани.
15-годишното девојче е примено во болница по осумте пациенти од Кочани кои првично биле хоспитализирани во „Пирогов“.
Имало тешка изгореница на подлактицата поради што морало да остане на лекување, изјави на 18 март за новинарите директорот на болницата, д-р Валентин Димитров.
Во Бугарија на лекување остануваат 14 од жртвите во пожарот што избувна во дискотеката „Пулс“ во Кочани, пренесе „БТВ“. Осум од нив се во болницата „Пирогов“ и по три во Поморската болница во Варна и болницата „Свети Ѓорѓи“ во Пловдив.
Во пожарот во дискотека во Кочани загинаа 59 лица, а над 150 се повредени. Загинатите во пожарот се на возраст од 14 до 25 години.
