11-годишно момче со пиштол застрелало уште две деца за чипс
Единаесетгодишно момче застрела и уби двајца свои фудбалски соиграчи на Флорида. Според очевидци, децата се скарале за вреќа чипс, а еден од повредените му удрил шлаканица на стрелецот, пишува ABCnews.
Детето застрела две 13-годишни деца во рекреативен комплекс во Апока, недалеку од Орландо, по расправија меѓу нив за време на фудбалски тренинг, изјави на новинарите во вторникот началникот на полицијата во Апопка, Мајк Мекинли.
Едниот тинејџер бил однесен во болница и подоцна пуштен, додека другиот се уште е на лекување. Едното дете има рана на раката, а другото – на торзото, објави Си-Ен-Ен.
11-годишникот зел пиштол од автомобилот на неговата мајка, каде што оружјето било во незаклучена кутија. Детето испукало еден истрел кој ги погодил и двајцата тинејџери.
Полицијата била повикана во комплексот, а 11-годишното момче е задржано во Центарот за проценка на малолетници со прелиминарно обвинение за обид за убиство од втор степен.
Властите истражуваат дали родителите ќе бидат обвинети.
На видео снимката се гледа како тинејџерите бегаат откако го слушнале истрелот.
Пиштолот бил легална сопственост, рече Мајк Мекинли. Инспекторите не знаат што довело до расправијата меѓу младите.
11-годишното момче нема претходно криминално досие.
