Знае ли Карагер нешто што другите не знаат кога станува збор за наследникот на Клоп?

Иако на прв поглед делува како изненадување, кога подобро ќе се размисли, не може да се отфрли таа опција.

„Постои еден тип за кој сум слушнал дека се спомнува, Роџер Шмит. Мислам дека ја има таа врска со школата на Ред Бул, а нивниот стил е сличен со оној на Клоп. Во ред, тоа би одговарало и не би требало многу да се менува“, изјави Карагер.

Шмит е 57-годишен германски стручњак кој втора сезона ја води Бенфика, а трофеи освојувал во Холандија, Австрија и Кина. Неговата Бенфика во моментов е на првото место во португалското првенство со три бода пред Спортинг, но и со два натпревара помалку.