Завршиja претресите на повеќе од 50 згради во Германија: „Делуваме против исламистите“
Германската полиција изврши претреси во седум земји поради сомневање дека Исламскиот центар во Хамбург ја поддржува милитантната група Хезболах.
Сакам да кажам дека дејствуваме против исламистите, а не против некоја религија или друга држава, изјави германската министерка за внатрешни работи Ненси Фесер, пренесе Ројтерс.
Властите претресоа повеќе од 50 објекти поврзани со центарот, кој има силни врски со Иран и чии активности се осомничени за кршење на уставниот поредок на Германија.
Во соопштението се наведува дека биле претресени уште пет здруженија за кои се верува дека се подгрупи на центарот, со цел да се обезбедат докази во рамките на истрагата на Министерството.
Само во Хамбург 300 полицајци извршиле 31 претрес поврзани со Центарот, изјави градскиот сенатор за внатрешни работи.
Сомнежите против Исламскиот центар во Хамбург се сериозни и домашната разузнавачка агенција за исламистички активности долго време го следи, рече Фезер.
„Особено сега, кога многу Евреи се чувствуваат загрозени, не толерираме исламистичка пропаганда или антисемитски и антиизраелски говор на омраза“, рече таа.
Активностите на Хезболах беа забранети во Германија во 2020 година, како и сите симболи на групата, а нивниот имот беше конфискуван.
