Затворениците во Струга во штрајк – револт поради укинување на викендите
Затворениците во Казнено-поправната установа во Струга започнаа штрајк во знак на протест откако им биле укинати викендите на кои, според важечките закони и интерните прописи, имаат право.
Според информации од внатрешни извори, одлуката била донесена без јасно образложение и без соодветна правна основа, што предизвикало силно незадоволство кај осудениците.
Затворениците бараат итно враќање на правото на викенд, кое, како што велат, претставува една од ретките можности за одржување контакт со нивните семејства и зачувување на личното достоинство додека ја издржуваат казната.
