Засега ништо од бизнисот: Клубовите од АБА бараат повеќе пари за влез на клуб од Дубаи

Луѓето кои го водат проектот од Дубаи на седницата на Собранието во Загреб одржале опширна и обемна презентација која траела подолго од еден час. Во неа детално претставиле што треба да донесе нивниот влез во АБА лигата од спортски и финансиски аспект.

Наводно, понудата за влез изнесувала 1,5 милиони евра и таа сума требало да ја поделат учесниците во АБА лигата што во конечниот збир не е сериозна финансиска инјекција. Поради тоа, клубовите од регионот побарале од Арапите идната недела да излезат со нова понуда и тоа не каква било, туку барем три пати поголема.

Тоа значи дека без 4,5 милиони евра, кошаркарски клуб од Дубаи нема да влезе во АБА иако во моментов Арапите преговараат и со Евролигата.