АМЕРИКАНСКИ РАЗУЗНАВАЧИ: Зголемен ризик од меѓуетничко насилство има на Западен Балкан во 2024 година
Зголемен ризик од меѓуетничко насилство има на Западен Балкан во 2024 година, велат американските разузнавачи.
Документот вели дека „националистичките лидери веројатно ќе ја влошат тензијата во своја политичка корист; а надворешните актери ќе зајакнат и ќе ги искористат етничките разлики за да го зголемат или да го заштитат своето регионално влијание или да спречат поголема интеграција на Балканот во ЕУ или евроатлантските институции.“
Се наведува дека „судирите меѓу српските националисти и косовските власти во 2023 година резултираа со смртни случаи и повредени, вклучително и повреди на мировниците на НАТО“.
Веднаш потоа се вели дека „лидерот на босанските Срби Милорад Додик презема провокативни чекори за да го неутрализира меѓународниот надзор во Босна (и Херцеговина) и да обезбеди де факто отцепување на неговата Република Српска“.
На крајот од делот за Западен Балкан, се вели дека „неговата постапка (на Додик) може да ги поттикне водачите на бошњачкото (босанско муслиманско) население да ги зајакнат сопствените капацитети за заштита на своите интереси и евентуално да доведе до насилни конфликти, кои би можеле ги надвладеат мировните сили.“
Лани во Бањска имаше напад, каде се судрија лица од српска националност со косовската полиција, при што загина еден косовски полицаец и четворица Срби. Додик постојано зборува за независност на Република Српска од Босна и Херцеговина(БиХ).
