Зара жали за кампањата која предизвика револт на интернет: Слични гафови имале и во минатото
Пред десет години „исфрлија“ маица со риги и жолта ѕвезда, која потсетува на холокаустот и униформите на кампот.
Зара вели дека „жали“ за „недоразбирањето“ во врска со рекламната кампања која е критикувана за користење фотографии кои изгледаат како слики од конфликтот на Блискиот Исток.
Како што рекоа претходно, спорната колекција наречена „Ателје“ е замислена уште во јули, а фотографиите се направени во септември, додека војната меѓу Израел и Хамас започна на 7 октомври.
Да потсетиме дека на една од фотографиите моделот е прикажан како носи кукла завиткана во бело, на втората бистата лежи на подот, а на третата манекенката е без раце, забележува Ројтерс. Критичарите велат дека сликите личат на фотографии од трупови покриени со бели чаршафи во Газа.
Компанијата соопшти дека некои клиенти виделе „нешто далеку од она што било наменето кога биле создадени“, пренесува Би-Би-Си.
Тие додадоа дека кампањата претставува „серија од слики на недовршени скулптури во студио на скулптор и е создадена со единствена цел да се прикаже занаетчиска облека во уметнички контекст“.
Во соопштението објавено неколку дена откако многу критичари реагираа, Зара напиша:
„За жал, некои клиенти се почувствуваа навредени од овие слики, кои сега се отстранети, и во нив видоа нешто далеку од она што беше наменето кога беа создадени.
Зара жали за недоразбирањето и ја потврдуваме нашата длабока почит кон сите“.
