ЗАГИНА ЦЕЛАТА ЕКИПА Трагедија во САД: Авион се урнал, истражителите и спасувачките екипи на терен
Три лица загинаа во авионска несреќа што се случи денеска околу 12:30 часот во близина на Гринфилд, Масачусетс.
Имено, сите лица кои се наоѓале во двомоторниот авион „Beechcraft Baron 55“ загинале, а на местото на настанот се испратени полицијата и истражителите.
„Потврдуваме фатална авионска несреќа во Северен Гринфилд кај патот Оук Хил Акрес“, соопшти полицискиот оддел на Гринфилд Масачусетс.
Како што појаснија, во несреќата нема преживеани, а на лице место се спасувачки екипи и истражители.
Националниот одбор за безбедност на транспортот (NTSB) и Федералната управа за авијација (FAA) ќе ја испитаат несреќата. ФАА го потврди моделот на авионот и бројот на луѓе во него.
Причината за авионската несреќа не е позната
Прелиминарните информации обезбедени од НТСБ велат дека авионот се урнал под непознати околности во близина на областа Лајден, која е северно од Гринфилд.
Инспекторот на НТСБ се очекува да биде на лице место до понеделник и да започне со процесот на документирање и преглед на авионот.
– Авионот потоа ќе биде вратен во безбеден објект за понатамошна евалуација. Истрагите на НТСБ опфаќаат три основни области: пилотот, авионот и оперативната средина, соопшти НТСБ.
Причината за несреќата останува непозната, како и идентитетот на жртвите.
