За кое дело го товарат косовските власти Драгиша Миленковиќ кој е уапсен во Грачаница?
Уште еден Србин е уапсен на Косово и е обвинет за воени злосторства.
Косовската полиција го уапсила Драгиша Миленковиќ кој живее во околината на Грачаница под обвинение за воени злосторства, потврдија за РТС од семејството. Тврдат дека при апсењето полицајците биле насилни, а припадниците на специјалните единици упаднале во неговиот двор околу пладне. На семејството му рекле дека Миленковиќ е уапсен за воени злосторства врз Албанци кои наводно ги малтретирал додека работел како чувар во затворот во Липлан.
„Го блокираа целиот простор и не дозволуваа никој да се приближи, а потоа го извадија Миленковиќ“, јавува дописникот на РТС.
Пред куќата на Миленковиќ по апсењето се собраа вознемирени соседи и мештани. Сопругата поради стресот кој го доживеала е пренесена во болница. Уапсениот Миленковиќ е татко на три деца, пренесуваат српските медиуми.
Српскиот претседател Александар Вучиќ вчера кажа дека косовската полиција ги малтретирала Србите кои деновиве се уапсени. За недела дена се уапсени неколку Срби на Косово. Косовската полиција исто така малтретирала две млади лица, брат и сестра.
