Вучиќ во Украина, првпат од почетокот на војната

Српскиот претседател Александар Вучиќ ќе ја посети Украина во среда, што е негова прва посета челникот на земјата која одржува срдечни односи со Русија, од почетокот на војната во февруари 2022 година, објави претседателството во соопштение.

„Претседателот на Република Србија ќе ја посети Украина еден ден во среда, 11 јуни, каде што ќе учествува на самитот Украина-Југоисточна Европа“, објави српското претседателство.

Српскиот шеф на држава никогаш не ја посетил Украина од почетокот на руската инвазија во февруари 2022 година. Меѓутоа, Вучиќ веќе имаше неколку средби со украинскиот претседател Володомир Зеленски на повеќе меѓународни и глобални форуми и настани.

Посетата доаѓа околу десет дена откако Москва ги обвини српските компании за оружје дека се обидуваат да „забијат нож во грбот“ на Русија со продажба на големи количества разна муниција на Украина.

Присуството на српска муниција во Украина никогаш не е јавно признато, ниту целосно негирано. Неколку седмици претходно, Александар Вучиќ, кој балансира помеѓу српскиот историски сојузник Русија и желбата да се приклучи на Европската унија, присуствуваше на московскиот Црвен плоштад на прославата на 80-годишнината од поразот на нацистичка Германија во Втората светска војна.

Србија историски одржува блиски врски со Русија и го споделува анимозитетот кон НАТО по бомбардирањето во 1999 година за време на косовската војна. Од февруари 2022 година, Белград одби да ги прекине врските со Москва и не спроведе никакви санкции против Русија, на коишто ЕУ инсистира, и покрај тоа што гласаше против тоа во резолуциите на ОН.

Белград, исто така, во голема мера се потпира на Москва за снабдување со гас, кој го добива по многу поволни цени.