Вучиќ плаче: Oвие луѓе се добростоечки, таткото е лекар со чиста биографија
Српскиот претседател Александар Вучиќ во обраќањето до нацијата, рече дека ова е еден од најтешките денови во историјата на Србија.
Рече дека човекот од обезбедувањето кој е убиен бил во добри односи со детето кое изврши масакр. Вели дека разменувале пораки, тој бил добар човек, се грижел за децата.
„Овие луѓе се добростоечки, нивните примања не се помали од 300.000 динари. Крем де ла крем на нашето општество. Таткото направил еден прекршок во животот, чиста биографија, лекар за пример“, рече српскиот претседател.
Вучиќ вели дека она што детето го објаснило никако не може да им се објасни на семејствата кои изгубија блиски. Српскиот претседател рече дека детето не се заканувало со бомби, туку носело молотови коктели, со цел да спречи други да влезат внатре додека не го изврши злосторството.
„Барал да биде преместен во друго одделение, затоа што бил добар ученик, другите го избегнувале“, вели Вучиќ.
Според српскиот претседател, детето покажало послаби резултати, а од него се барало повеќе.
Вели дека детето со татко му одело на стрелиште. Вучиќ го опиша детето како доста амбициозно. Српскиот претседател рече дека треба да се сменат вредностите во општеството, а не може пред секое училиште да има полицајци.
фото принтскрин
