„ВУЧИЌ ИМАЛ СИЛНА БОЛКА ВО ГРАДИТЕ И МНОГУ ВИСОК ПРИТИСОК“: Кардиологот Динчиќ од ВМА со детали за здравствената состојба

Српскиот претседател Александар Вучиќ почувствувал болка во
градите, рече дека била силна и траела само неколку секунди, вели д-р Драган
Динчиќ, кардиолог кој е задолжен за лекување на претседателот.

Тој рече дека повеќе од 10 години е загрижен за здравјето на
Вучиќ и дека имал вакви проблеми во три наврати, а тие главно биле поврзани со
екстремно висок крвен притисок.

– За време на престојот во Америка, претседателот
почувствувал силна болка во градите која траела кратко време, само неколку
секунди, според него, што не се согласува целосно со зборовите на присутните во
просторијата, кои наведуваат дека болката траела нешто подолго. Претседателот
ја примил дополнителната терапија, која била доста интензивна, а по 45 минути,
кога пристигнал тим лекари од Америка, измерените вредности на крвниот притисок
биле 165 со 98, што јасно
укажува дека крвниот притисок на пациентот што ја примал терапијата бил
значително повисок од оној што бил измерен во тој момент – изјави попладнево д-р
Динчиќ.