ВУЧИЌ: Дури и да мислите дека сум Асад, па ќе побегнам некаде – не сум

Српскиот претседател Александар Вучиќ изјави дека тој не е како сирискиот колега Башар ал Асад и дека нема да бега никаде.

„Дури и да мислите дека сум Асад, па ќе побегнам некаде – не сум. Жив сум, цел живот живеам овде во Србија, благодарен сум на мојата Србија, ќе останам овде, ова е моето место каде ќе завршам. Ќе се борам за Србија и ќе му служам само на мојот, на српскиот народ и на сите други граѓани на Србија, никогаш на странците, никогаш на оние кои сакаат да ја поразат, понижат и уништат Србија“, напиша Вучиќ на својот Инстаграм профил.

Вучиќ предупреди дека Србија е под притисок од различни страни и се обидуваат да ја соборат со сите можни хибридни средства. 

Асад избега и доби азил во Русија.  Поранешниот сириски претседател Башар ал Асад, неговата сопруга и нивните три возрасни деца ќе почнат нов живот во Русија откако рускиот претседател Владимир Путин им дал азил. Медиумите тврдат дека тие имаат 20 стана во Москва. 

фото Фејсбук/Александар Вучиќ