ВУЧИЌ ДО РЕПУБЛИКА СРПСКА: Сакам да се извинам за страшната кампања против вас
Српскиот претседател Александар Вучиќ се извини на граѓаните на Република Српска затоа што се водела страшна кампања против нив.
Вели дека ќе се брани изборната волја на граѓаните.
„За прв пат во животот на Република Српска, ви се обраќам во името на српскиот народ и сите граѓани на Србија. Сакам да се извинам за страшната кампања што против вас, нашите сестри и браќа, ја води еден дел од политичката јавност во Белград. Дел од оние кои воопшто не можат да ги трпат Бог знае какви последователни порази и кои сакаат да дојдат на власт по секоја цена, дури и да ти го направиле тоа зад грб, дури и да те обвини за поразите иако не си виновна за ништо“, вели Вучиќ во видеото кое го објави на Инстаграм.
Кажа дека мал број луѓе од Република Српска гласале на изборите, но во согласност со законите и Уставот на Србија. Но, во Белград имаше протести со тврдење дека изборите се украдени. Набљудувачкото тело на Конгресот на Советот на Европа денеска соопшти дека е загрижено поради сериозните нерегуларности за време на парламентарните избори во Србија одржани во неделата. Оттаму повикаа на детална истрага за тие случаи. Ист став има и САД.
фото принтскрин
