Вработените во Фондот за здравство утре ќе протестираат
Вработените во Фондот за здравство утре излегуваат на протест, а причина за тоа е незадоволството кај неусогласувањето на платите со растот на минималецот.
Информацијата ја потврдил претседателот на УПОЗ, Трпе Деаноски.
„Имаме 3 барања: усогласување со минималната плата, да се донесе вредносен бод и да се зачуваат тие плати што ги имаат вработените и веднаш да се разреши целиот управен одбор на фондот, да се донесат нови членови кои веднаш ќе заседаваат и ќе донесат одлука со која ќе се заштитат вработените во фондот за здравство“, вели Деаноски за Сител.
Ако протестот не вроди со плод, тогаш ќе се активира и штрајк.
