Воска ги забрани Комити, тие најавија – инвазија на Охрид!
Мечот меѓу Воска и Вардар е еден од клучните во Втората лига оваа сезона, а домаќинот испрати известување дека нема да ги прими Комитите на трибините за овој натпревар кој се игра на стадионот „Билјанини Извори“.
Комитите експресно ја одбија забраната и најавија инвазија на Охрид.
„ЗАБРАНАТА Е ОДБИЕНА!
Аматерските, необјективни и тенденциозни одлуки, со цел забрана за гостински навивачи, ги одбиваме во целост!
Постои само една одлука, која стапува на сила веднаш, а тоа е: ИНВАЗИЈА НА ОХРИД!
Натпреварот против Воска е финалето на целата сезона, на целата наша борба. Ние сме Вардаровото најсилно оружје, затоа, мобилизација!
Да не дозволиме поигрување со групата – да бидеме со Вардар кога е најпотребно. Нема никој да ни забрани!“, стои во реакцијата на Комити.
