Во тешка сообраќајна несреќа загина синот на екс пратеникот Крсто Мукоски, имал само 19 години!
19-годишниот Милан Муковски синоќа загинал во сообраќајна несреќа што се случила ноќеска околу 1: 20 часот на локален пат меѓу Вевчани и струшкото село Подгорци.
Се работи за синот поранешниот пратеник Крсто Мукоски.
„На 13.01.2024 околу 01.20 часот во СВР Охрид, било пријавено дека на регионалниот пат кон Вевчани, во близина на село Подгорци, струшко, патничко моторно возило „ауди“ со вевчански регистарски ознаки, управувано од М.М. (19) од Вевчани излетало од коловозот. Во несреќата на местото на настанот починал возачот. Извршен бил увид од Јавен обвинител и увидна екипа од ПС Струга“, велат од МВР.
Градоначалникот на Вевчани истакна дека забавниот дел од вечерашниот концерт е откажан.
„Поради трагедијата која се случи вчера во Вевчани, во сообраќајна несреќа ни погина млад член на Вевчани, можете да забележите и сами, учиците во Вевчани на 13 јануари никогаш не биле во ваква состојба. Скоро се празни. Скоро и да не забележав маскирано лице. Вевчани сме мало место, сите сме како една фамилија. Вакви немили настани не потресуваат. Вечерашниот концерт, забавниот дел е откажан. Мислам дека нема да има учесници“, вели Спасе Кочовски, градоначалник на Вевчани.
Министерката за култура Бисера Костадиновска Стојчевска истакна дека општината не ја препознава во вакво светло.
Таа изрази сочувство до семејството на експратеникот Крсто Муковски, загина во сообраќајна несреќа.
„Не го препознавам Вевчани вакво. Навистина ми е жал за трагичниот настан. Би сакала да изразам сочувство до фамилијата. Јас за жал знам како изгледа таа болка. Дојдов со градоначалникот да видиме што ќе се случува. Знам дека ситуацијата е неизвесна. Она што ќе одлучат граѓаните на Вевчани да се случува, тоа и ќе се случува. Од наредна година, традицијата ќе продолжи понатаму“, рече Костадиновска Стојчевска.
