ВО СОСЕДСТВОТО: Роботи сортираат 2.500 пакети на час во пошта
Роботи на Пошта на Србија во градот Крагуевац од денеска сортираат 2.500 пакети на час.
Инвестирале околу 900 милиони динари во роботи и веруваат дека тоа ќе се исплати.
„Ова ќе овозможи најмалку трипати побрза достава на поштата до примателите и сортирање на пакетите за поштите во блиските градови“, изјави во Крагуевац в.д. директорот на Српската пошта, Зоран Анѓелковиќ.
Министерот за информации и телекомуникации Борис Братина изјави дека е почестен што присуствува на церемонијата во Крагуевац „каде што може да се види дека индустријата навистина претставува човечка моќ и можности за практично неограничен развој“.
Градоначалникот Никола Дашиќ изрази задоволство што Крагуевац е втор град во Србија каде што Поштата почна со роботизација и истакна дека Крагуевац „ќе стане примерен српски град со разни паметни решенија“.
Министерката за државна управа и локална самоуправа Снежана Пауновиќ во Крагуевац изјави дека јавните претпријатија на Србија „се еден чекор пред трендовите и го подобруваат системот побрзо отколку што ние како мала земја можевме да очекуваме“.
