Во ПСЖ се уморни од однесувањето на Мбапе, ќе го продаваат ова лето!
Мбапе вечерва го известил ПСЖ дека нема да ја искористи опцијата во договорот за да ја продолжи соработката до јуни 2025 година.
ПСЖ сега има две опции, едната е да го продаде ова лето и да заработи на неговото заминување, а другата е да го остави да ја доигра и наредната сезона по што Мбапе како слободен играч ќе си оди.
Француските медиуми пишуваат дека во ПСЖ се уморни од променливото однесување на Килијан Мбапе и ќе го продадат во овој преоден рок. Немаат намера да го пуштат да си замине бесплатно.
Реал Мадрид е првиот кандидат за потписот на Мбапе, но ќе зависи и од тоа колку пари ќе бара ПСЖ за да го продаде својот фудбалер.
