ВМРО-ДПМНЕ со убедливо водство според првичните резултати

Според првичните резултати објавени од владејачката партија ВМРО-ДПМНЕ од вториот круг на локалните избори, кандидатите на ВМРО-ДПМНЕ бележат водство во повеќе општини и во Град Скопје.

Во Скопје, ВМРО-ДПМНЕ има 58.820 гласа, додека Левица е на второто место со 33.714 гласа. Во општина Аеродром, кандидатот на ВМРО-ДПМНЕ доби 12.135 гласови, додека кандидатот на СДСМ има 6.683.

Во Карпош, ВМРО-ДПМНЕ води со 9.925 гласа, пред кандидатот Стевче кој доби 8.718 гласови. Во Кочани, кандидатот на ВМРО-ДПМНЕ има 5.740, додека Венко доби 3.909. Во Виница, разликата е 4.105 гласа за ВМРО-ДПМНЕ и 2.847 за СДСМ.

Исто така, ВМРО-ДПМНЕ води и во Конче со 1.058 гласа наспроти 786 за СДСМ, во Чучер Сандево со 2.336 наспроти 1.706, и во Дојран со 1.175 гласа пред 676 за СДСМ.

Првичните резултати покажуваат дека ВМРО-ДПМНЕ е блиску до победа во Кочани, Дојран и Чучер Сандево, со стабилна предност и во останатите општини каде што учествува.

Овие податоци се првични и неофицијални, а конечните резултати се очекуваат по завршувањето на комплетното броење на гласачките ливчиња.