ВМРО-ДПМНЕ: Колку Ковачевски се грижи и бори за жените и женските права јавност можеше да се увери кога на седница навреди пратеничка
Од ВМРО-ДПМНЕ денеска испратија реакција по повод осмомартовскиот марш на СДСМ.
Тие велат дека колку премиерот Димитар Ковачевски се грижи и бори за жените и женските права македонската јавност можеше да се увери во Собрание кога на јавна седница навреди пратеничка.
„Ковачевски едно зборува кога станува збор за жените во Македонија, а друго применува. Колку Ковачевски се грижи и бори за жените и женските права македонската јавност можеше да се увери во Собрание кога на јавна седница навреди пратеничка.
Да биде уште полошо, за Ковачевски таа навреда е нормална и се уште нема доблест јавно да се извини да си ја признае грешката, туку дрско користеше празник за да каже дека бил погрешно разбран.
И наместо да се извини тој глумеше дека е жртва и го злоупотреби своето семејство.
Додека лаже на јавно собири, тој се уште се нема извинето за покажаниот шовинизам пред целата јавност“, велат од ВМРО-ДПМНЕ.
