Владата утре ќе одлучува за ново замрзнување на цените, еве за кои производи се работи
В понеделник Владата ќе одлучи дали ќе ги замрзнат цените на јајцата, шеќерот и на оризот. Анализите за овие производи се готови и в понеделник ќе се разгледуваат на владина седница.
Владата веќе ја замрзна цената на лебот на 33 денари, а потоа ги намали цените на тестенините за 15%, а на млечните производи за 10%. Ваквите цени ќе важат до крајот на мај.
Синдикатите бараа цените да бидат замрзнати уште минатата година на почетоците на инфлацијата и затоа сметаат дека со сегашниот потег државата нема да ги ублажи животните трошоци на граѓаните.
Инфлацијата во земјава февруари годинава изнесуваше 16,7 отсто, во однос на истиот месец лани. Во Европа, повисока инфлација од Македонија имаат само балтичките земји, Полска и Унгарија.
