ВИНОПИЈЦИТЕ И ДОМА И ОД СТРАНСТВО МАЛКУ ЗАТАИЛЕ, АМА ЗА „ТИКВЕШ“ НЕМА ЗИМА – чиста добивка од 700 илјади евра за три месеци

Нема
никакви изненадувања, ниту позитивни ниту негативни, кај најголемиот
производител на вино во земјава, компанијата на бизнисменот Светозар Јаневски,
„Тиквеш“.

Винарската
визба ги објави резултатите за првиот квартал од годинава, а тие говорат дека
таа работела речиси идентично како во истиот период од минатата година.

Сепак,
и покрај благо намалените приходи, а со тоа и малку снижената бруто добивка,
компанијата успеала да се стегне и тримесечјето да го заврши со профит повисок
за 25 проценти, односно 700 илјади евра, што е за поздравување на умешноста и
менаџирањето, во услови кога приходите благо односно незначително затаиле.

Да
погледнеме што говорат бројките за Тиквеш.

Приходната
страна покажува дека компанијата за трите месеци од годинава остварила приходи
од продажба од рамно 12 милиони евра. Во однос на истиот период лани, тоа е
намалување на ниво на статистичка грешка, од 3 проценти.

Благо
во продажбите затаиле и домашниот и странскиот пазар. Односно, од продажбата на
вино на домашна територија Тиквеш инкасирал 5,2 милиони евра, што е намалување
за 2 отсто.

Додека,
пак, странците испиле од виното на Тиквеш во вредност од 6,8 милиони евра, што
е снижување за три проценти во однос на истиот период од минатата година.

Ова
говори дека извозот на вино и натаму доминира во однос на продажбите на
домашниот пазар.

Ако незначително се намалиле приходите, исто така благо снижување, но нешто повисоко, има
и кај трошоците за производи и услуги, кои изнесувале 6,9 милиони евра, па кај
нив падот е за 4 отсто во однос на истиот период лани.

Ова
направило компанијата да го заврши тримесечјето со бруто добивка од 5,1 милиони
евра, што е мало снижување од 1 отсто.

Но,
по пресметката на административните трошоци, кои кизнесувале 721 илјади евра,
потоа трошоците за маркетинг и дистрибуција, кои биле 1,14 милиони евра, како и
по вредносното усогласување од 2,3 милиони евра, но и по пресметката на
останатите оперативни приходи, Тиквеш го завршува тримесечјето со оперативна
добивка од 1,1 милиони евра. Што е пораст за 30 отсто во однос на истиот период
минатата година.

Трошоците
за суровини и други материјали се 2,4 милиони евра, што е раст за 24 отсто,
услугите со карактер на материјални трошоци биле 2,5 милиони евра, а трошоците
за вработените се 1,1 милиони евра, и кај нив се бележи зголемување од 11
проценти. Останатите расходи од работењето и поарчиле на винаријата 1,86
милиони евра, што е намалување за 14 отсто во однос на истиот период од
минатата година.

Компанијата
не остварила финансиски приходи, но затоа пораснале за 84 отсто нејзините
финансиски расходи, главно плаќања за камати на кредити, со што тие во првиот
квартал изнесувале 256 илјади евра.

После
сите пресметки добивката пред оданочување на компанијата била 828 илјади евра,
а по вкалкулирањето и на корпоративниот данок, нето профитот кој преостанува е рамно
700 илјади евра за првиот квартал од годинава.

Н.Н.Ф.