ВИДЕО Утре официјално отворање на лизгачката сезона во Скопје
Лизгалиштето во Спортскиот центар „Борис Трајковски“ ќе ја отвори новата сезона со целосно обновен изглед и свежа енергија. Посетителите ќе можат да уживаат во ново осветлување, ребрендирани простории и мраз подготвен според највисоки стандарди.
Директорот на СЦ „Борис Трајковски“, Данијел Апостоловски, преку Фејсбук најави дека официјалното отворање на лизгачката сезона е закажано за утре, 29 ноември 2025 година, сабота.
Љубителите на лизгањето ќе имаат можност да уживаат во одличните услови на лизгалиштето, кое оваа година се претставува во нов, современ сјај.
