ВИДЕО Страшна експлозија во близина на трговски центар во Кина: Повредените лежат на улица!
Огромна експлозија се случи во близина на трговскиот центар за храна „Шенијанг Дадонг“ во Кина, што предизвика паника кај граѓаните, а има многу повредени.
Сведоците опишуваат драматични сцени од местото на настанот, каде повредените лежеле на улица, додека другите панично бегале.
На снимките кои набргу се појавија на социјалните мрежи се гледаат хаотични сцени – повредени граѓани лежат на улиците, додека густ чад се издига над местото на експлозијата.
Луѓето во паника се обидуваат да најдат безбедно место, додека итните служби брзо реагирале.
Интересно е што кинескиот претседател Си Џинпинг го посети овој трговски центар пред само три дена.
Се уште не се познати деталите за причината за експлозијата и точниот број на жртви.
