(Видео) Штедачи во Либан палат банки по забраната да си ги повлечат доларите
Неколку десетици либански демонстранти денеска упаднаа и запалија банки во кварт на Бејрут и ги блокираа патиштата во знак на протест против неформалните ограничувања за повлекување готовина и брзото влошување на економската ситуација во земјата. Има пријавен случај и дека депонент со пластичен пиштол-играчка си ја барал заштедата од шалтер.
Цел на демонстрантите беа најмалку шест филијали на банки, бидејќи либанската фунта денеска падна на ново рекордно ниско ниво во однос на доларот, изјави портпаролот на штедачите чии пари остануваат затворени во либанскиот банкарски систем. .
Од 2019 година, банките во земјата воведоа ограничувања за повлекување во американски долари, иако тие не се формализирани со закон, што ги натера штедачите да бараат пристап до нивните пари преку жалби или со сила.
Од таа година, кога финансискиот сектор на земјата пропадна, либанската фунта изгуби повеќе од 98 птсто од својата вредност. Денеска курсот беше околу 80.000 фунти за еден долар, додека пред два дена достигна 70.000 фунти за еден долар.
Овој нов пад на либанската валута значи пораст на цените на бензинот, па така галон од 20 литри чини колку една третина од платата на полицаецот. Веќе повеќе од 80 проценти од населението во земјата живее под прагот на сиромаштија.
Од 2021 година, либанските власти ги укинаа владините субвенции за гориво и основни производи како брашно и лекови.
Како одговор на ова поскапување, десетици таксисти во средата го блокираа патот пред Министерството за внатрешни работи во Бејрут во знак на протест поради намалувањето на нивните приходи.
Според Светската банка, Либан се соочува со една од најтешките економски кризи во светот од 1850 година, што доведе до масовно осиромашување на жителите и голем недостиг.
من محيط مصرف “فرنسبنك” في بدارو بعد تحرّك احتجاجي نفذه مودعون صباح اليوم#lebanon24#لبنان pic.twitter.com/UKzcJhmH5n
— Lebanon 24 (@Lebanon24) February 16, 2023
