ВИДЕО Се појави нова снимка од земјотресот во Охрид – погледнете го моментот!
На новата видео-снимка е забележан моментот кога земјотрес со јачина од 3,8 степени според Рихтер ја погоди охридската околина.
Снимката, направена од приватна безбедносна камера, го прикажува тресењето на центарот на градот само неколку секунди по потресот, точно во 4:34 часот наутро. На видеото се забележуваат вибрации на објектите, како и вознемиреност во околината, што ја потврдува реалната сила на земјотресот, иако според експертите се смета за умерен.
Според податоците од Европско-медитеранскиот сеизмолошки центар (ЕМСЦ), епицентарот на земјотресот се наоѓал 9 километри североисточно од Охрид и на 66 километри од Елбасан, Албанија, на длабочина од 10 километри.
Засега нема пријавени повредени лица или материјална штета.
