ВИДЕО Пукање во Тетово: Од моторцикл пукале со автоматска пушка кон куќа – нема повредени

Вечерва на улицата 111 во Тетово се случил вооружен инцидент кога непознати лица од моторцикл-скутер пукале со автоматска пушка кон куќата на лице со иницијали М.Т., по што веднаш избегале од местото на настанот.

Според информациите од полицијата, повредени лица нема, но во моментот на пукањето во куќата се наоѓале сопственикот и членовите на неговото семејство. На објектот се забележани оштетувања од истрелите, а на теренот се пронајдени околу 30 чаури од автоматско оружје.

За инцидентот е известен јавен обвинител, а екипа од СВР Тетово извршува увид на местото на настанот. Се преземаат мерки и активности за идентификација и пронаоѓање на сторителите, како и за целосно расчистување на случајот.