(ВИДЕО) Поплавите однесоа цел камп во Бугарија

Големото невреме однесе цел камп во Царево во Бугарија. 

Автомобилите и камперите во бугарското туристичко место Царево завршиле во морето по силното невреме што го зафати и брегот на Црното Море. На социјалните мрежи има снимки на кои се гледа како луѓето се обидуваат да ги спасат автомобилите.

Властите прогласија вонредна состојба во Царево откако реката Велека се излеа од коритата. Тие ги повикаа граѓаните да се преселат на повисоките катови од хотелот.

Во летувалиштето Синеморец снабдувањето со електрична енергија е прекинато, а помалото село Кости е евакуирано.

Бугарскиот премиер Николај Денков изјави дека две лица загинале, а три се водат за исчезнати.

Невреме има и во Грција и Турција. 

Видеото можете да го видите тука.