ВИДЕО: Погледнете ги поплавите по невремето во Италија – како санта мраз да се шири по улицата

Северна Италија беше погодена од силно невреме со дожд, урагански ветрови и град, па дури и торнадо во Милано. Невремето корнеше дрвја, откорна покриви и предизвика поплави. Најлошо беше во Ломбардија, а невреме беше забележано и во Венето. Неколку лица се повредени. На социјалните мрежи е објавено видео од поплавите.

Според Corriere della Sera, Ломбардија веќе била погодена во текот на ноќта од силен бран на силен дожд со екстремни феномени како град кој бил поголем од тениските топчиња. Во североисточниот дел на Милано, утрото се појави бура, еден вид торнадо, кое го забележале жителите помеѓу Cernusco sul Navigli и Gessate. Пожарникарите извршиле 110 интервенции поради поплави, одрони и паднати дрвја.

Известено е дека се повредени неколку лица, како и дека е причинета значителна штета на автомобили и куќи, а некои патишта се затворени поради паднати дрвја и други штети. Две лица се повредени во околината на Бреша. Во областа Бергамо, каде ураганските ветрови корнеа дрвја, четири лица, меѓу кои две деца, се повредени кога дрво паднало врз нивниот автомобил.

Massive hail flow at street in Seregno, Italy #ITALYFLOODS pic.twitter.com/yfsvn4iWsY

— Shivendra Pratap Singh (@vatsalshivendra) July 21, 2023

Во Ломбардија, невремето предизвика и голема штета на земјоделските култури. Во Мантова невообичаено големо невреме со град ги уништи посевите на полињата со пченка, соја и домати. Зафатени беа и плантажите со лубеници, дињи и тиква. Во Венеција маж кој го удри гром додека се шеташе низ градот среде невреме е пренесен во болница со тешки повреди.

Екстремно лошото време е резултат на топлотните бранови кои неодамна ја зафатија Италија, но и голем дел од северната хемисфера. Како што јави Анса, за следната недела се предвидува уште еден период на интензивни горештини.